По тешката ноќ во паника и страв за Украинците, денеска состојбата во Киев и Одеса е малку помирна. Во нападите кои се случија ноќта руските ракети погодија инфраструктурни објекти во Одеса, а оштетени се и неколку станбени згради. И главниот град беше нападнат со беспилотни летала.

Две илјади луѓе беа се евакуирани на Крим поради пожар на воен полигон. Синоќешната експлозија на складиште за муниција во руска воена база на окупираниот Крим е операција на украинските специјални сили, изјави шефот на воената разузнавачка служба на Украина, Кирило Буданов.

– Успешно спроведовме операција на окупираниот Крим. Непријателот го крие обемот на штетата и бројот на жртвите, објави Буданов на својот канал на Телеграм.

July 19th, multiple secondary explosions at the Starokrymsky training ground in Crimea, which has been used, among other things, to train the 56th Guards Air Assault Regiment of the Russian army. pic.twitter.com/oj1CgZt1io

— Mark Krutov (@kromark) July 19, 2023

Украинското воено разузнавање ја презеде одговорноста за експлозијата која следува неколку дена по нападот на кримскиот мост.

„Решив да ги евакуирам луѓето од четири населени места. Амбулантни возила се дежурни во секое населено место, вклучително и центрите за привремено сместување. Досега нема жртви“, изјави Сергеј Аксјонов, началник на Крим.

? Russia's munitions warehouse in occupied Crimea has been destroyed. pic.twitter.com/kg7sVWzBLm

— Igor Sushko (@igorsushko) July 19, 2023

Украинскиот претседател Володимир Зеленски пак ја обвини Русија дека во текот на ноќта извршила „намерен напад“ врз инфраструктурата за жито во црноморското пристаниште Одеса.

„Руските терористи намерно ја таргетираа инфраструктурата за продажба на жито, а секој руски проектил е удар не само за Украина, туку и за сите во светот кои сакаат нормален и безбеден живот“, рече Зеленски.

Од Москва велат дека Обединетите нации имаат уште три месеци да постигнат конкретни резултати за Кремљ да се врати на дискусијата за ова прашање.