Англискиот принц Вилијам следната недела ќе отпатува за Естонија, што ќе биде негово прво патување во странство оваа година, а принцезата Кејт нема да го придружува, соопшти денеска Кенсингтонската палата во Лондон.

Принцот од Велс Вилијам ќе престојува во Естонија на 20 и 21 март и тоа ќе биде негова прва посета на оваа балтичка земја, пренесува „Б92“.

За време на посетата, тој ќе ги посети и британските војници во кампот Тапа, кои се распоредени таму како дел од учеството на Велика Британија во операцијата на НАТО за заштита на нејзиното источно крило.

Нивната главна задача е да покажат солидарност со сојузниците во Алијансата, како и да ја зајакнат нејзината одбрана со цел да се одврати каква било потенцијална закана.

Како што беше најавено, на ова патување нема да го придружува неговата сопруга, принцезата Кејт, која постепено се враќа на јавните обврски по завршувањето на лекувањето од рак минатата година.

Кејт Мидлтон присуствуваше на прославата на Денот на Комонвелтот во Лондон со својот сопруг пред два дена, откако го пропушти настанот минатата година.

Вилијам ќе се сретне со претседателот Алар Карис за време на неговата посета на Естонија. Последното патување на принцот во странство беше во ноември минатата година кога ја посети Јужна Африка, потсетува Експрес.