Кејт Мидлтон е позната по љубовта кон спортот и активниот живот, а сега најде ново хоби што е токму во нејзин стил. Хобито наводно ги воодушевило нејзините деца, како и кралот Чарлс, чија љубов кон природата и градинарството е одамна позната, пренесуваат странските медиуми.

Имено, за време на неодамнешната посета на Понтиприд во Јужен Велс, Кејт откри дека учи како да бере диви билки во Норфолк, а нејзините деца биле особено воодушевени од огромната печурка што ја нашла во близина на нивниот дом.

Собирањето на диви билки вклучува пребарување и собирање на јадливи растенија, овошје, јаткасти плодови, семиња и печурки во природата.

Кејт секако добила совет од нејзиниот свекор, кој сам тргнал да бере печурки во август 2011 година. Токму на ова хоби Чарлс му се посветил на денот на смртта на неговата мајка, а познато е дека веста за смртта на неговата мајка го дочекала по неговото враќање во Балморал откако берел печурки на блискиот имот Бирхал.

Кејт неодамна сподели и фотографии направени во природа во Норфолк, додека споделуваше нови детали за нејзиниот третман за рак минатата година.

Дека често поминува време во природа, потврди и фотографијата што ја направи нејзиниот најмлад син Луис, на која Кејт е со раширени раце во зимска шума.