Каталин Карико и Дру Вајсман добитници на Нобеловата награда за медицина
Нобеловата награда за медицина им беше доделена на Каталин Карико и Дру Вајсман за откритијата што овозможија развој на ефективни вакцини со мРНА против ковид.
Томас Перлман, секретар на Нобеловото собрание, ја објави наградата во Стокхолм.
BREAKING NEWS
The 2023 #NobelPrize in Physiology or Medicine has been awarded to Katalin Karikó and Drew Weissman for their discoveries concerning nucleoside base modifications that enabled the development of effective mRNA vaccines against COVID-19. pic.twitter.com/Y62uJDlNMj— The Nobel Prize (@NobelPrize) October 2, 2023
Нобеловите награди носат парична награда од 11 милиони шведски круни, приближно 950.000 евра. Парите доаѓаат од оставината на креаторот на наградата, шведскиот пронаоѓач Алфред Нобел, кој починал во 1896 година.
Нобеловите награди продолжуваат со наградата за физика во вторник, хемија во среда и литература во четврток. Нобеловата награда за мир ќе биде објавена во петок, а наградата за економија на 9 октомври.
Лауреатите се поканети да ги добијат своите награди на церемонијата на 10 декември, годишнината од смртта на Нобел. Престижната награда за мир се доделува во Осло, по негова желба, додека другото доделување се одржува во Стокхолм.