Велосипедист, чиј идентитет не е познат, денеска починал откако бил прегазен од камион на крстосница во Гостивар, соопшти полицијата.

„Околу 15:30 часот денеска било пријавено дека се случила сообраќајна незгода на крстосницата на улиците „Гоце Делчев” и „Беличица” во Гостивар. Според пријавата, товарно моторно возило „Ман” со мешалка за бетон, управувано од М.К.(56) од гостиварското село Беловиште, удрило во повозрасно машко лице со велосипед, чиј идентитет засега не е утврден. Во несреќата тој бил тешко повреден и починал“, велат од МВР.

На местото на несреќата се врши увид што го води јавен обвинител и во него учествува и екипа од Одделението за внатрешни работи Гостивар. По наредба на јавниот обвинител, врз телото на починатиот ќе се врши обдукција.