Само неколку часа откако градоначалникот на Њујорк Бил де Бласио прогласи вонредна состојба во градот поради епидемија на коронавирусот, изледа дека жителите сериозно ја сфатија ситуацијата, пишува српски „Курир“.

Поголемиот дел јавните инстиуции се затворени – музеите и кината не работат, додека образовните установи преминуваат на онлајн предавања.

Работниот свет исто така го презема овој вид на комуникација и работа, пред се за да се избегне ширење на заразата, но и затоа што Њујорчани не сакаат да одат на работа бидејќи за тоа мораат да го користат јавниот превоз, кој се смета за најризично место за ширење на заразата.

Градоначалникот на Њујорк, имено, им препорачал на жителите да не се приближуваат едни со други, но и дека во град со толку жители тоа практично е невозможно.

New York is a ghost town because residents heed warnings of the corona virus emptied by subways https://t.co/5gURpsMYM0 pic.twitter.com/dLdVcTtNNU

— WhatsNew2Day (@whats_new_2day) March 13, 2020

Интересно е дека граѓаните носат маски и ракавици, и сите внимаваат што ќе допрат – во јавен превоз, во кафулиња, дома и во продавниците, пред се ги бришат предметите кои ќе ги допрат.

Паниката владее и во супермаркетите на чии влезови се чека барем половина час, додека на касите се чека и по 45 минути.

Луѓето главно купуваат основни артикли како што е водата, млекото, лебот, додека се купуваат и средства за хигиена, сапуни, ракавици – сите лимитирани на две парчиња по лице.

– Мислам дека луѓето толку купуваат поради страв, или јас бев наивна што дојдов да купам основни вообичаени рбаоти. Шокирана сум – рече една Њујорчанка стоејќи покрај празен рафт во еден од поголемите маркети во центарот на градот.

Има и луѓе кои не се задоволни со брзината на реакцијата на државата и паниката која се создаде меѓу луѓето, бидејќи не се во можност да се снабдуваат со основни секојдневни работи, во момент кога во продавниците нема доволно резерви.

Аптеките засега се добро снабдени, но може да се слушне дека многу сакаат да направат тест на коронавирус, но дека нема доволно тестови.

На улиците има значително помалку луѓе и автомобили, што е прилично чудно и за жителите на Њујорк и за туристите.

Тие кои планирале одмор и патување на пролет сега ги откажуваат аранжманите.

На прв поглед изгледа дека луѓето не се во паника, но се загрижени и многу внимателно ги следат вестите од светот, притоа највеќе ги загрижува тоа што се случува во Италија бидејќи стравуваат истото да не се случи во Америка.