САРС-КoВ-2 коронавирус

Вирусот Ковид-19 во моментов се шири низ светот. За околу шест типа на коронавирус познато е дека се заразни за луѓето – некои предизвикуваат симптоми на обична настинка и два предизвикуваат епидемија: САРС и МЕРС.

Прекриен со шилци

Се нарекува коронавирус поради шилците во форма на круна кои штрчат по неговата површина. Вирусот е обвиткан во меури од маслени молекули, кои се распаѓаат при контакт со сапун.

Пробивање во ранлива клетка

Вирусот влегува во телото низ носот, устата или очите, а потоа се прикачува на клетките при дишните патишта кои продуцираат протеин наречен ACE2. Се верува дека овој вирус доаѓа од лилјаците, кај кои можеби е врзан за сличен протеин.

Ослобoдување на вирусна рибонуклеинска киселина (РНК / RNa)

Вирусот ја инфицира клетката со спојување на својата маслената мембрана со мембраната на клетката. Штом влезе во клетката, коронавирусот исфрла исечок од генетски материјал наречен рибонуклеинска киселина РНК (RNa).

„Киднапирање“ на клетката

Геномот на вирусот е помал од 30.000 генетски „букви“ (нашиот има над 3 милијарди). Инфицираната клетка ја чита рибонуклеинската киселина (RNa) и почнува да создава протени кои ќе го задржат имунолошкиот систем и ќе помогнат да се создатат нови копии на вирусот.

Антибиотиците убиваат бактерии и не функционираат против вируси. Но, истражувачи тестираат антивирусни лекови кои можеби ќе ги оспорат протеините и ќе ја запрат инфекцијата.

Создавање вирусни протеини

Како што напредува инфекцијата, машинеријата на клетките започнува да излачува нови исечоци од рибонуклеинската киселина и други протеини кои ќе создадат нови копии од коронавирусот.

Составување на нови копии од вирусот

Нови копии на вирусот се собираат и се разнесуваат до надворешните ивици на клетката.

Ширење зараза

Секоја заразена клетка може да ослободи милион копии на вирусот пред истата да се распадне и умре. Вирусот може да ги зарази и соседните клетки или да заврши во капки кои излегуваат од белите дробови.

Одговор на имунитетниот систем

Поголемиот број од инфекциите со Ковид-19 предизвикуваат температура како што имунитетниот систем се бори против вирусот. Во потешките случаи, може да се случи имунитетниот систем да „претера“ во борбата и да започне да ги напаѓа клетките на белите дробови. Тогаш белите дробови се запушуваат со течности и мртви клетки, што предизвикува отежнато дишење. Мал процент од инфекциите можат да доведат до акутен респираторен дистрес-синдром, и смрт.

Напуштање на телото

При кашлање и кивање, телото може да исфрли вирусни капки на други лица и површини, каде вирусот може да остане „жив“ и да инфицира од неколку часа до неколку дена. Заразените лица со Ковид-19 треба да носат заштитни медицински маски за да го намалат исфрлањето на вирусот. Медицинските лица кои се грижат за заразените пациенти треба да носат маски и соодветна заштита.

Можна вакцина

Идна вакцина би можела да му помогне на телото да создава антитела кои ќе го таргетираат Ковид-19 и ќе му оневозможат да ги инфицира човечките клетки. Вакцината против грип функционира на сличен начин, но антителата кои ги создава оваа вакцина не можат да го заштитат организмот од коронавирус.

Како функционира сапунот

Сапунот го уништува вирусот кога водените капки од молекулите на сапунот се пробиваат при маслената мембрана коронавирусот и со тоа го уништуваат.

Најдбриот начин за да се заштите од коронавирусот е да ги миете рацете со сапун темелно и често, да не го допирате лицето, да избегнувате контакт со лица кои се болни, како и со почесто чистење и дезинфицирање на предметите и површините кои секојдневно ги користите.

Текстот и илустрациите се целосно преземени од New York Times.