Зигмунд Фројд ни остави многу интересни теории за човечката душа и емоции, а еве како да дознаеме кога љубовта ја нема и зошто луѓето раскинуваат.

Зигмунд Фројд е главниот претставник на психоанализата. Тој развил теорија според која човекот е несвесно суштество, без способност да донесува слободни одлуки. Главната идеја е дека човекот не може да носи рационални одлуки бидејќи во повеќето случаи сите човечки избори се случуваат на несвесно ниво. Фројд веруваше дека голем дел од нашето однесување е водено од несвесни желби и конфликти. Тоа се чувства и мисли за кои можеби не сме ни свесни, но сепак влијаат на нашите постапки. И тие исто така влијаат на нашиот емотивен живот.

Фројд имал интересни ставови за будењето на љубовта, исто како и за нејзиното згаснување. Познатата теорија на Фројд е дека „не се бираме случајно … туку ги среќаваме само оние кои веќе постојат во нашата потсвест“. Исто така, разводот е тешка тема, има многу причини поради кои двајца раскинуваат, а Фројд има три интересни идеи за тоа.

1. Ако парот престане да се кара, љубовта ја нема

Отсуството на каков било конфликт може да доведе до застој во развојот на врската. Се разбира, умереноста е важна во сè. Здрава дискусија е добра, секое претерување и молчење кое трае неколку дена не е. Секоја врска бара здрава комуникација, конструктивна дискусија за решавање на одредени прашања и способност за изразување јасни ставови. Ако мислите дека со премолчување и игнорирање на одредени проблематични прашања тие ќе исчезнат, се лажете, само ќе се натрупуваат и се множат.

2. Во човечката природа е да го цени и посакува пред сè она што не може да го постигне

На почетокот на речиси секоја врска, лесно е да се разберат одредени чувства кои нè водат. Има интрига, неизвесност и малку опасност. Не знаете што точно можете да очекувате или постигнете, па соодветно го цените тој почетен адреналин. Меѓутоа, кога врската ќе стане прилично стабилна, таа ви станува помалку интересна, без разлика дали имате добра жена покрај себе или не. Го губите интересот затоа што веќе сте воспоставиле врска и сè земате здраво за готово. Едноставно, во природата на човекот е да го цени она што сè уште не го постигнал или не може да го направиш, а кога ќе го добие и ќе го постигне, сè станува помалку интересно.

Силните врски се градат на доверба, почит и меѓусебно разбирање, но за да не се изгуби нивната привлечност, важно е да не се заборави на магијата на интригите и интересите кои го прават секој ден од заедничкиот живот уникатен и неповторлив. Тоа може да бидат неочекувани изненадувања, спонтани акции, заеднички авантури или дури и тајни состаноци.

3. Кој сака многу, ги познава жените, кој сака само една, знае што е љубов

Фројд нагласува дека ние сме подготвени да останеме блиски со некоја личност само ако чувствуваме љубов. Кога две срца се поврзани со љубов, тие создаваат невидлива нишка што ги држи заедно и во најтешките времиња. Врската од навика, чувството за должност или сожалувањето за заеднички стекнатиот капитал не ги прави луѓето среќни.

А Фројд веруваше дека најлошото е што многу парови живеат вака – од навика. Вистинската врска каде што има љубов ќе опстане.

Вистинска љубов е кога сте спремни да останете со некого не поради стравот од осаменост или загуба, туку поради желбата да го споделите животот со него, кој го прави посветол и поисполнет. Кога не можете да си го замислите животот без личност затоа што тие станале дел од вас.