Додека сите љубители на фудбалот ги следат случувањата на Мундијалот во Катар, голема драма се одвива во Италија, каде Јувентус е под истрага на УЕФА за финансиска измама.

Андреа Ањели, како и целиот управен одбор на Јувентус, поднесе оставка, а семејството Ањели предложило улогата на клупски претседател да ја преземе сметководител за да може клубот подобро да се справи со сегашните проблеми.

Бум од Италија: Јувентус остана без комплетната управа!

Првично истрагата ја покрена обвинителството во Италија, сега се приклучи и УЕФА која заедно со тамошните власти истражува што се случило.

Клубот од Торино е обвинет за кршење на финансискиот фер-плеј, а се истражуваат извештаите во последните пет години. Ова беше направено поради сомневањето дека „Старата дама“ вршела тајни плаќања на играчите во текот на 2020 и 2021 година во ерата на ковид-пандемијата.

UEFA opens investigation into Juventus over alleged final FairPlay breach following claims of financial irregularities brought by Italian prosecutors pic.twitter.com/3RgXT2cxqs

— tariq panja (@tariqpanja) December 1, 2022

Нема дилема дека ова е голем проблем за клубот, а се споменува дека една од казните може да биде испаѓање од лигата.

Дел Пјеро ќе ја спасува „старата дама“?

Според член 31 од Спортскиот кодекс во Серија А, се наведува дека „секое фалсификување на документи или кое било друго незаконско дејствие кое води до регистрација на клуб во Серија А може да доведе до одземање на бодови или дури и испаѓање“.

Останува прашањето дали сето ова води кон ново „Калчополи“ за „црно-белите“ кога во 2006 година Јувентус беше испратен во Серија „Б“.