Јапонскиот пензиски фонд би можел да инвестира во биткоини
Јапонскиот владин пензиски инвестициски фонд (ЏПИФ) побара информации за биткоинот за потенцијално да го вклучи во идните инвестициски портфолија. Со средства од скоро 1,5 трилиони долари (од есента 2023 година), ЏПИФ е најголемиот пензиски фонд во светот.
На 19 март, Фондот побарал одблизу да погледне неколку класи на средства, како што се биткоин, обработливо земјиште и злато. Веројатно ќе биде потребно извесно време да се прегледаат информациите пред да се одлучи дали да се инвестира во овој имот. Краен рок за доставување информации е 19 април. ЏПИФ се фокусира на инвестиции во домашен и странски долг и акции, како и во недвижен имот и приватен капитал и тој не е првиот пензиски фонд кој ја анализира одржливоста на биткоинот.
Фондот за помош и пензионирање на пожарникарите во Хјустон директно инвестираше во биткоин, а Националната пензиска служба на Јужна Кореја има удел во акциите на Коибејс. Доколку ЏПИФ инвестира во биткоини, тоа би можело да означи значителна промена во институционалниот поглед на биткоинот од инвестициска перспектива, информира „СЕЕ.биз.еу“.