Јаник Синер се пласираше во осминафиналето на Мастерсот во Синсинати, САД. Италијанскиот тенисер го победи Канаѓанецот Габриел Дијало со 2:0 во сетови (6:2, 7:6) за еден час и 49 минути игра.

Синер доминираше во првиот сет и го освои со два брејка, дозволувајќи му на противникот да освои само два гема.

Во вториот сет одлучувачки беше тајбрејкот. Канаѓанецот водеше со 6:5 и имаше сет-поен на својот сервис, но не го искористи, Синер врза три поени и стигна до победата.

Синер ќе се соочи со Французинот Адриан Манарино во четвртфиналето, кој го победи 13. носител, Американецот Томи Пол, со 2:1.

Италијанецот го брани трофејот што го освои минатата година во Синсинати.

Во женска конкуренција Елена Рибакина од Казахстан со пресврт (4:6, 6:3, 7:5) ја елиминираше Елиз Мертенс од Белгија.

Рибакина во осминафиналето ќе игра против Американката Медисон Киз која пак со 6:4 и 6:0 триумфираше против Аои Ито од Јапонија.