Поранешната специјална обвинителка Катица Јанева денеска во Државниот завод за ревизија почнала да се соблекува и останала во долна облека додека ревизорите и ги презентирале наодите од ревизијата за финансиското работење на СЈО, пишува телевизија Телма.

На полицајците Јанева прво им кажала дека и е доста од сè и почнала да се соблекува. Потоа била повикана итна помош и и е дадена инекција за смирување, а таа е префрлена во станот каде ја издржува мерката домашен притвор.

-Во 10:30 часот  К.Ј (1965) по наредба од Основен кривичен суд Скопје била спроведена во Држвен завод за ревизија  во Палатата „Емануел Чучков”, каде го нарушила јавниот ред и мир со дрско и непрстојно однесување на јавно место. Сочинет е записник за констатираниот прекршок, соопштија од МВР.

Од ДЗР велат дека Јанева била повикана во својство на одговорно лице на СЈО.

-Јанева беше повика во врска со извршената ревизија на усогласеност, согласно Годишната програма за работа на ДЗР за 2020 година, а за потребите на одржување на завршен состанок- велат за „Слободен печат“ од ДЗР.