Двојна изложба со дела од Петра Јовановска и Валентина Илијевска од 16 јуни е поставена во галеријата „Ко-Ра“ при Домот на култура „Кочо Рацин“ во Скопје. Авторката Петра Јовановска се претставува со „Со кругот низ пејзажот“, додека Валентина Илијевска со „Во кругот на коцката“.

Изложбата ја отвори Виолета Калиќ, историчар на уметноста, која ја истакна релацијата помеѓу делата на двете уметници, кои остваруваат заемен дијалог. Посочувајќи ги многубројните дискурси и светогледи преку лексиката на симболите и концептуалноста, каде што поврзувачки елементи се колажот, рециклирањето и минимализмот во изразот, Калиќ ја нагласи многузначноста на одбраните симболи и многубројните значења во делата на двете авторки. Изложбата е поддржана од Град Скопје.

(Текстот е објавен во „Културен печат“ број 36, во печатеното издание на „Слободен печат“ на 20-21 јуни 2020)