КУЛТУРЕН ПЕЧАТ број 227, во печатеното издание на весникот „Слободен печат“ (20-21.4.2024), во својот стандарден формат на осум страници меѓу содржините од областа на уметноста и културните настани има:

– интервју со Викторија Рангелова-Петровска, в.д. директорка на Драмски театар Скопје: Десетте новопримени актери се новото театарско гориво

– разговор со новинарката и филмски теоретичар Ана Василевска: Дискретен чувар на филмската меморија

– Mакедонскиот павилјон на 60. Венециско арт-биенале, со проектот „Inter Spem et Metum“ на ликовната уметница Славица Јанешлиева, е отворен во „Скуола деи Ланери“ во Венеција

– петтото издание на фестивалот „Крај Вардарот џез“ носи богата програма со храбра и оригинална музика

– изложбата „Првите благородници во Европа“ неодамна беше отворена во Канадскиот музеј на историјата во Гатино – Отава

– добитник на Гран-при за животно остварување на „Остен Биенале Скопје“ е италијанскиот уметник и теоретичар Микеланџело Пистолето (1933)

– македонскиот танчар и кореограф Бојан Мицев гостува на реномираниот танцов фестивал „Абрил ен данца“ (Abril en Danza) во Аликанте, Шпанија

– награда „Пегаз“ за романот „Риба во(н) мрежа“ од авторката Јована Матевска Атанасова: Најсилниот алгоритам, сепак, се љубовта и семејството

– издавачкиот центар „Три“ ја промовираше збирката есеи „Господ, па Америка“, нова книга на Румена Бужаровска

– промоцијата на книгата „Часовничарот“ од Трајче Кацаров се одржа во „Матица ексклузив“

– книгата „Си беше еднаш“, во издание на „Либи“, дел од „Арс Ламина – публикации“, содржи внимателно селектирани 52 бајки од Ханс Кристијан Андерсен, Браќата Грим и Шарл Перо, спакувани во ново руво

– издавачот „Перун Артис“ од Битола ја објави новата детска поетска книга на Весна Мундишевска-Велјановска со наслов „Збрка во трка“.