Излечен првиот фудбалер кој беше заразен со коронавирус
На интернет страницата на екипата на Пјанезе која се натпреварува во Серија Ц, објавено е дека еден нивен фудбалер целосно е излечен од коронавирусот.
– Болницата во Сиена пријави целосно заздравување на 23-годишен фудбалер. Тој веќе неколку дена нема никакви симптоми. Во последните 24 часа му беа направени два теста кои беа негативни – стои во соопштението на клубот.
A player from #Pianese in #SerieC Group A has tested positive for coronavirus last night and the team have cancelled training today. #Calcio #CoronavirusItaliahttps://t.co/fgQ7DjclQc pic.twitter.com/QXtJoeOglS
— footballitalia (@footballitalia) February 27, 2020
Неименуваниот играч на Пјанезе беше првиот фудбалер што беше заразен со коронавирус во Италија и тоа кон крајот на февруари. Исто така коронавирус беше откриен и кај двајца негови соиграчи, како и кај уште еден вработен во клубот.
Екипата на Пјанезе моментно се наоѓа на претпоследното 19. место во групата А од Серија Ц. Пјанезе последниот официјален натревар го одигра на 23 февруари против младинскиот тим на Јувентус. Според последните информации, во Италија како последица од коронавирусот починаа дури 366 лица.