Новинарот Карло Алвино ја критикуваше италијанската јавност која на големо го претстави трансферот на Давиде Фратези од Сасуоло во Интер. Во критиките Алвино истакна и дека десетмина играчи како Фратези прават еден Елиф Елмас.

Елмас четири години го носи дресот на Наполи, а сезонава со овој клуб стгна до историското трето Скудето за Наполи, прво по 33 години. Елмас имаше учинок пд шест гола и три асистенции и според Алвино е потценет од медиумите.

„Фратези е претставен како шампион, но реалноста е дека технички десетмина Фратези прават еден Елмас. Проблемот е што Елмас нема такво внимание затоа што игра во Наполи и не се крева толку високо. Фратези и Елмас се млади, но Елмас и толку многу искуство зад себе во Наполи и репрезентацијата на Македонија.

„Зад себе Елмас има одлична сезона и тешко ми е да разберам зошто го сметаат за никој, а Фратези за шампион. Но, во Италија број еден спортски директор е Карневали (човекот од Милан), па затаоа е вака. Ако некој треба да собира почести тоа е Џунтоли, затоа што осум години работеше и никој глас не му слушна, но се што е околу Наполи има помала вредност. Сега отиде во Јувентус и значи дека повеќе вреди, за крај ќе повторам, по кој основа Фратези е подобар од Елмас?“, порача Алвино.