Истражување за случаите на фемицид „Невидливи убиства”
Тимот на Националениот совет за родова рамноправност (НСРР) денеска ќе го промовира истражувањето на тема „Невидливи убиства” за случаите на фемицид во земјава, на Бојана Јовановска, во рамки на проектот „Визија, мисија и стратегија” на НСРР, поддржан од Делегација на Европската унија во Скопје.
Фемицидот претставува убиство на жена затоа што е жена и е најекстремната манифестација на насилство врз жените, која најчесто е резултат на континуирана изложеност на насилство, при што сторителите се најчесто интимни партнери, членови на семејството или други лица познати на жртвата, информираат од НСРР.
Имајќи ја во предвид тежината и важноста на оваа тема, како што велат од НСРР истражувањето цели кон зголемување на јавната свест за фемицидите, создавање на соодветна база на податоци, што претставува основа за креирање на соодветни политики и закони за превенција како и анализа на студии на случај на фемициди во нашата држава.