Руската тениска ѕвезда Марија Шарапова на денешен ден во 2004 година ја освои својата прва грен-слем титула победувајќи ја Серена Вилијамс во финалето на Вимблдон.

Шарапова тогаш имаше само 17 години. Таа во финалето беше подобра од фаворизираната Серена Вилијамс (6-1, 6-4). Вилијамс тогаш трета година по ред се појави во финалето на Вимблдон, турнир на кој дотогаш немаше пораз.

Во 2002 и 2003 година таа ја победи својата постара сестра Винус за да ја освои титулата. Но, тогаш се соочи со поинаков противник.

Тој ден Шарапова стави крај и на споредбите со поранешната руска ѕвезда Ана Курникова, која никогаш не освои голема титула и покрај нејзината невидена популарност, а стана и една од најпопуларните и највносни спортистки во светот.