Софија Јанева и Матео дојдоа дома: „Враќањето од болница е еден од најсреќните, најстрашните и највозбудливите моменти во мојот живот“
Македонската инфлуенсерка Софија Јанева, една од најследените Македонки на Инстаграм, пред една недела стана мајка и на свет го донесе синчето Матео. Откако поминаа неколку денови во болница дојдоа дома, а Јанева своето искуство, заедно со неколку фотографии, го сподели со илјадниците следбеници на Инстаграм.
Препорачано
View this post on Instagram
– Враќањето дома од болница е еден од најсреќните, најстрашните и највозбудливите моменти во мојот живот. Чувството да се вратиш дома со бебе е навистина неописливо, момент полн со љубов, радост и благодарност. Да станеш родител е искуство што го менува целиот живот. Секој нов ден носи нови предизвици, но и нови моменти на радост кои не се споредуваат со ништо. Првите погледи, првите допири, првите насмевки … сè е исполнето со емоции и љубов која станува сè поголема. Бебињата имаат некој волшебен начин да го направат светот поубав и посебен, и не можам да опишам колку многу го очекував овој момент – напиша инфлуенсерката која додаде дека не би сакала целото свое искуство се го сподели со јавноста.
– Како што почнав да ги доживувам овие неверојатни моменти, почнав да добивам и многу прашања во инбокс за моето породување. Јасно ми е дека многу од вас се заинтересирани за моето искуство, но веројатно никогаш не би го споделила јавно, пред сè затоа што, иако беше исклучително тешко како ментално така и физички, не би сакала да ги вознемирам или плашам другите. Моето искуство беше уникатно и многу ретко се случува, па затоа не би сакала да се генерализира. Породувањето може да биде убаво искуство за многу жени и иако моето не беше такво, на крајот од денот повторно би поминала низ се тоа, затоа што болката минува, брзо ја забораваме и најважно од сè, го добиваме најголемиот подарок – едно прекрасно бебе – напиша Јанева.
Софија и Виктор се верија на 26 јули 2023 година, а една година подоцна го кажаа судбоносното „Да“. Матео е нивно прво дете. Инфлуенсерката често споделуваше моменти од својот приватен живот во текот на речиси целата бременост, зборувајќи за искуствата и предизвици кои ги носи мајчинството.
