Милијардерот Илон Маск објави дека се откажува од купувањето на Твитер, откако претходно се договори за зделка тешка 44 милијарди долари. Како причина за потегот, Маск наведува „материјално прекршување на неколку одредби од договорот“.

Ова стави крај на „сагата за тоа дали Маск ќе го преземе или не Твитер, и откако потпиша договор со Твитер во април оваа година и потоа го стави купувањето на таа компанија во мирување додека Твитер не докаже дека таканаречените спам-ботови прават до помалку од пет проценти од вкупните корисници, пренесува Хина

Акциите на Tвитер паднаа за шест отсто во продолженото тргување, пренесува Ројтерс.

АП пишува дека не е познато дали управниот одбор на Твитер ќе ја прифати отштетата од една милијарда долари или ќе бара спогодба на суд.

Маск, најбогатиот човек на светот, претходно изјави дека еден од неговите приоритети по преземањето на Твитер ќе биде да ги отстрани „спам ботовите “ од платформата.