Николов (22 год, 188 см) од денеска е нов член во редовите на македонскиот кошаркарски шампион МЗТ Скопје Аеродром, откако потпиша едногодишен договор со „штрковите“.

Станува збор за плејмејкер кој со 18 години дебитираше во најсилното европско клупско натпреварување како играч на Галатасарај, а претходно, со 15 години, осум месеци и девет дена настапи во дресот на Македонија на средба против Русија во 2012 година.

Тој во таборот на гигантот од Истанбул замина во 2014 година и се задржа во следните две сезони, по што мина извесен период во екипите на Јесилгиресун во два наврати, Трабзонспор и Истанбул ББ. Минатата сезона ја одигра во дресот на Петким.

Со ангажманот на Николов и претходното задржување на Андреј Маслинко и Андреј Магдевски, уште еднаш ја потврди определбата за ангажирање на најталентираните кошаркари кај нас.

Покрај нив тројца, во моментов под договор со МЗТ Скопје Аеродром се уште и Дамјан Стојановски, Марко Симоновски и Ранко Мамузиќ.