Грчката тенисерка Марија Сакари ја победи Американката Коко Гоф со 6:4, 6:7 (5), 6:2 во полуфиналето на ВТА турнирот во Индијан Велс, често прекинуван од дожд во петокот и ќе игра во финалето со Ига Швјонтек од Полска.

Швјонтек, која доминира во женскиот тенис, ја победи Украинката Марта Костјук со 6:2, 6:1 за 69 минути.

Полуфиналето меѓу Сакари и Гоф траеше многу подолго. Не само што резултатот беше тесен со пресврти, туку се вмеша и дождот кој го прекина мечот на два часа додека Гркинката го доби првиот сет.

По вториот прекин, Сакари направи брејк во мечот за водство од 5:4 и три меч топки во вториот сет, но шампионката на „УС Опен“ се извлече и го освои сетот во тај-брејк. Сакари доминираше со квалитетна игра во третиот сет и на крајот победи по 2 часа и 41 минута игра.

Во финалето Швјонтек и Сакари ќе се сретнат по шести пат. Билансот е во корист на грчката тенисерка која има три победи, а полската натпреварувачка ги доби последните два меча, во 2022 година во Доха и Индијан Велс.