Германскиот федерален завод за статистика објави дека просечната бруто месечна плата на пилот е 12.566 евра, или 150.792 евра годишно. Во Велика Британија, средната годишна бруто плата за пилоти и контролори на летање е околу 95.240 евра. Францускиот завод за статистика наведува дека просечната месечна плата за пилотите е околу 9.300 евра, што изнесува 111.600 евра годишно.

Пилотите се меѓу најплатените професии во Европа – заработуваат од 32.000 до 114.000 евра

Најдобрите плати на пилотите во Европа се концентрирани во западните и северните земји. Покрај Швајцарија и Германија, Белгија е на врвот со 110.424 евра и Ирска со 108.007 евра. На пример, ирската авиокомпанија „Рајанер“ на својата веб-страница наведува дека искусните капетани можат да заработат до 180.000 евра годишно. Австрија и Холандија исто така ја преминуваат границата од 100.000 евра, додека Финска следи со околу 96.000 евра.

Од друга страна, земји како Португалија со 60.054 евра, Грција со 56.523 евра и Полска со 50.000 евра нудат значително пониски плати. Романија е на самото дно со 32.299 евра годишно.

– Дури и најискусните пилоти во Романија не ја надминуваат границата од 40.000 евра годишно, што е речиси десет пати помалку од оние во Германија – се наведува во истражувањето- пренесе Каматица.