ФОТО+ВИДЕО: Почнaa предновогодишните настани на Плоштад „Македонија“
И покрај големиот број негативни коментари и скандали поврзани со новогодишното украсување на главниот град, вечерва на плоштадот Македонија во Скопје, започна новогодишната музичка програма која ја посетија и поголем број граѓани.
На првата вечер од музичката програма која ја организира Град Скопје во соработка со „Комората на музичка индустрија“ настапија членовите на „Дајте музика“.
„Раководството на ‘Комора на музичка индустрија’ овозможи музичка програма за сечиј вкус, од најпопуларните изведувачи меѓу помладата публика, до македонските музички ветерани. Во понеделник (25.12.2023) празничниот базар ќе се отвори со настапот на младите талентирани музичари од Дајте музика, забавата ќе продолжи со музиката на бендот Брастет Скопје, а атмосферата ќе ја вжештат Игор Џамбазов и Гуру Харе Бенд“, беше посочено во соопштението испратено деновиве до медиумите.
За дочекот на Новата 2024 година, на Плоштад Македонија ќе настапуваат Тин Камп, Лејдис Оркестра, Пауза за ракија, Тринити Стрингс, Слаткар, Дарио, Мерак Меана со Сузана Гавазова, Влатко Миладиновски, Стојне Николова, Блага Петреска и Душко Георгиевски.