Кошаркарската репрезентација на Хрватска го заврши настапот на Европското првенство во осминафиналето со пораз од Финска со 94:86, по што селекторот Дамир Мулаомеровиќ најави оставка.

– Веројатно повеќе нема да бидам селектор. Момците работеа одлично цело лето, мислевме дека… Не бевме психолошки подготвени, тимска игра на Финците се покажа решавачка за победникот. Тие се многу добра екипа, ние разочарани сме, но тоа е што е – рече Мулаомеровиќ.

Хрватите го освоија 11 место на континенталниот собир, што е нивни најслаб пласман откако се игра Европско првенство со 24 репрезентации.

Финска за пласман во полуфиналето во вторник (13 септември) ќе игра против селекцијата на Шпанија.

Во другите четвртфинални натпревари се среќаваат Германија – Грција, Словенија – Полска и Франција – Италија.