Фото: Профимедиа

Хрватски научници го открија клучот за долготрајна заштита од коронавирусот

Хрватските научници објавија исклучително важни резултати од истражувањето за болеста ковид-19, кои даваат увид во подолготрајна заштита од неа, пишува „Дневник.хр“.

Научното списание Vaccines, едно од списанијата на Американското здружение на вирусолози, ги објави резултатите од истражувањето на научниците од хрватската Специјална болница „Св. Катарина“ (автори: Приморац Д., Брлек П., Матишиќ В., Молнар В., Врдољак К., Задро Р.) и германската Универзитетска болница во Бон (автор: Парчина М.), во која ја анализирале долговечноста и ефективноста на клеточниот имунитет на популација од 200 испитаници.

Истражување на хрвтаски научници покажало дека клеточниот имунитет е клучот на долготрајна заштита од ковид -19, а резултатите од истражувањето се објавени во научното списание Vaccines, на Американското здружение на вирусолози.

Еден од авторите на истражувањето, проф. д-р Драган Приморац истакнува дека со ова истражување „станало очигледно дека утврдувањето на клеточниот имунитет станува исклучително значајно не за само поединците, туку и за објективизација на состојбите на населението кое било изложено на вирусот SARS-CoV-2, а сѐ со цел за контрола на актуелната пандемија“.

Од друга страна, додава професорот, истражувањето потврдува дека со мерење на нивоата на антитела не може да се предвиди силата и трајноста на клеточниот имунитет, што го забележале и други научници.

Научниците во истражувањето ја анализирале долготрајноста и ефективноста на клеточниот имунитет на 200 испитаници поделени во четири групи. Првата група ја сочинувале испитаници кои прележале ковид-19, втората група вакцинирани, третата оние кои се и вакцинирани и прележани, а четвртата оние кои не се вакцинирани и кои не прележале коронавирус.

Анализата покажала дека испитаниците кои не прележале ковид-19 и кои не се вакцинирани, немаат развиено клеточен имунитет, за разлика од испитаниците од преостанатите групи.

Исто така се покажало дека клеточниот имунитет кој се мери со концентрацијата на интерферон гама – IFNγ, претставува долготрајна заштита од ковид-19 и до 20 месеци по инфекцијата и/или вакцинацијата и дека не опаѓа со текот на времето.

Клеточниот имунитет помеѓу лицата кои прележале ковид-19 значајно не се разликувал од имунитетот стекнат со вакцинација, а оние кои биле вакцинирани и прележале коронавирус, имале статистички значајно највисоко ниво на клеточен имунитет.
Истражувањето покажало дека не постои разлика во нивоата на клеточниот имунитет кај мажите и жените.

Нивото на клеточен имунитет не било условено од времето поминато од инфекцијата, додека нивоата на антителата кај испитаниците кај кои поминале повеќе од 6 месеци од контактот со вирусот SARS-CоV-2, биле статистички значително пониски во споредба со групата испитаници кај кои поминале помалку од 6 месеци.

Авторите напоменуваат дека наведените податоци се собрани непосредно пред појавата на варијантата омикрон на коронавирусот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот