Холивудската икона на 20. век, славната актерка и оскаровка Одри Хепберн, која токму со својот рецепт за тестенини со само 4 состојки, коj го нарекла „lazy girl“ (мрзлива девојка), докажа дека и таа понекогаш била иста како сите нас – во недостаток на време или без мотивација за подготовка на покомплексен оброк.

Обожаваната актерка Одри Хепберн била позната по својата елеганција и препознатлив моден стил, но зад камерите и светот на гламурот била скромна и едноставна, а токму во таков живот и храна уживала.

Нејзиниот син Лука Доти ја објави книгата со рецепти „Одри дома“ (Audrey at Home), за која ги собрал сите нејзини домашни рецепти. Според книгата, таа особено сакала разни видови тестенини, а нејзиниот син дури изјавил дека била опседната со нив. Тука се издвојуваат тестенините пене (penne) со свежи домати (spaghetti al pomodoro), кои ги подготвувала со домати од сопствената градина. Но, кога берењето домати не било во план, користела доматен сос од продавница, но и обичен кечап од супермаркет.

Како што напишал нејзиниот син Лука во книгата со рецепти, таа го направила и овој едноставен рецепт софистициран, а како дел од „добриот живот“, ги сметала неделните вечери со синот, поминати на каучот пред телевизорот, со чинија од овие тестенини со сос од домати.

За да ги подготвите овие тестенини ќе ви требаат:

Состојки:

– 200 грама пене тестенини
– 1 лажица путер
– 2 лажици маслиново масло
– 2 лажици сос од домати или кечап
– рендано сирење по желба, на пример, ементалер или гријер

Подготовка:

Сварете ги тестенините, а за да имаат кремаста и свиленкаста текстура, пробајте ја техниката mantecare: по варењето исцедете ги тестенините, додадете малку маслиново масло и половина лажичка путер, добро измешајте и оставете ги покриени во тенџерето неколку минути.

Сипете две лажици кечап во тестенините, зачинете и додадете рендано сирење во саканата количина. Сирењето ќе се растопи во тестенините, а кечапот (или сосот од домати) ќе се соедини со путерот во тестенините, давајќи им нежно розова боја и кремаст, слатко-кисел вкус.

Напомена: Не постои вистински превод за mantecare на македонски јазик. Па сепак, тоа е основен термин во секоја италијанска кујна. Неговите корени потекнуваат од шпанскиот збор за путер или маст и укажува на техника која го претвора јадењето во вкусна кремаста текстура. На пример, mantecare е неопходен за правење рижото: на рижотото му додавате свеж путер или крем и рендано сирење кога е речиси готово, интензивно мешајќи за да ја добие посакуваната кремавост. Се користи и за тестенини, но и за правење сладолед.

Одри Хепберн: Овој едноставен специјалитет го јадела еднаш неделно

ФОТО | Најубавите очи на Холивуд се затвориле во силни маки: Два абортуси и тешка болест