Неколку месеци откако ја известија јавноста дека го бојкотираат Фејсбук, принцот Хари и Меган Маркл сега одучија во целост да се откажат од користењето на социјалните мрежи, а сето тоа поради преголемиот говор на омраза на овие платформи.

Маркл уште во октомври изјави дека подолго време не ги посетувала социјалните мрежи. Таа објасни дека се одалечила од овие платформи бидејќи на тој начин сакала да се заштити од се што се пласира за неа.

„Ме загрижуваат луѓето кои се опседнати со социјалните мрежи. Тие се огромен дел од човековото секојдневие, многумина се зависни од нив“, изјави Маркл, која во неколку наврати отворено зборуваше за сопствените негативни искуства поврзани со социјалните мрежи.

Парот ја покрена кампањата „Archewell“ и истакна дека мала е веројатноста дека оваа компанија ќе има профил на социјалните мрежи.