Халили: Зошто политичарите се разочарани од новото бугарско вето?
Поранешниот пратеник, министер и амбасадор, Мухамед Халили, смета дека шесте месеци кои ги дава бугарскиот премиер Кирил Петков како рок за надминување на спорот, не се долг период.
-Не е премногу, ако навистина после тоа успееме да ја добиеме првата меѓувладина конференција ЕУ-Македонија. Сепак, не сум убеден дека тоа ќе се случи, иако вината не е кај нас, рече Халили во гостувањето во емисијата „24 анализа“ на ТВ24.
Тој смета дека македонската јавност има право да биде разочарана поради новото бугарско вето, но во исто време и прашува зошто политичарите се разочарани.
– Ја потценивме 2017 година кога очекувавме резултати и 2018-тата, кога се појави високопрокламираната идеја на Макрон за друг тип на методологија на проширувањето. Не верувајќи во тоа што доаѓаше како реалност, не ги пласиравме добро тие елементи во јавноста. Не беше реално да сонуваме за некоја меѓувладина конференција, посочува Халили.