Халанд на мегдан против поранешниот тим Борусија Дортмунд
Норвешкиот репрезентативец ќе го предводи нападот на Манчестер сити во дуелот со „милионерите“ за кои играше до минатата сезона.
Напаѓачот на Манчестер сити, Ерлинг Халанд вечерва против својот поранешен тим Борусија Дортмунд ќе се обиде да ја продолжи гол-серијата, во еден од најинтересните натпревари од второто коло во групната фаза во Лигата на шампионите.
Препорачано
Норвежанецот во летниот преоден рок пристигна во Манчестер сити токму од Борусија Дортмунд во трансфер вреден 60 милиони евра и во осум натпревари во сите конкуренции постигна дури 12 гола. Во дресот на германскиот тим одигра 9 натпревари и постигна дури 86 гола. Англискиот шампион на стартот од ЛШ оствари убедлив триумф од 0:4 на гости кај Севиља, а Халанд постигна два гола.
– Неговите бројки во целата кариера, не само тука во Сити, туку и во претходните тимови, се сосема слични. Халанд има неверојатно чувство за гол и се надевам дека и вечерва ќе го потврди тоа – вели тренерот на Манчестер сити, Жосеп Гвардиола.
CITY V BVB ? #ManCity | #UCL pic.twitter.com/iIoFQtrvfa
— Manchester City (@ManCity) September 14, 2022
Двата тима досега играле четири пати меѓу себе во ЛШ, во сезоната 2012/13 Борусија славеше со 1:0, а вториот меч беше 1:1, додека во сезоната 2020/21 „граѓаните“ славеа на двата натпревари од групната фаза со 2:1. И Борусија на одличен начин ја започна сезоната во ЛШ, со 3:0 го совлада Копенхаген во првото коло, но не блеска во Бундеслигата и на последниот натпревар загуби со 3:0.
? VUELVE LA #UCL AL BERNABÉU ?
? @RBLeipzig
⏰ 21:00 CEST pic.twitter.com/NE2QTnLhah— Real Madrid C.F. (@realmadrid) September 14, 2022
Актуелниот европски шампион Реал Мадрид има перфектен старт на сезоната, пет победи во Ла Лига, а одбраната на титулата во ЛШ ја започна со триумф над Селтик од 3:0, вечерва ќе го има најголемиот предизвик, на „Сантијаго Бернабеу“ го пречекува Ред Бул Лајпциг. Германскиот тим лошо ја започна сезоната во Бундеслигата, но работите тргнаа на подобро изминатиот викенд кога во дербито ја победи Борусија Дортмунд со убедливи 3:0.
– Одлично ја започнавме сезоната, победивме на сите шест официјални натпревари, но вечерва играме против тим кој оствари голема победа изминатиот викенд. Тие ќе сакаат да направат позитивен резултат и вечерва, но, ние сме Реал и наша должност е да одиме на победа на секој натпревар – изјави тренерот на Реал Мадрид, Карло Анчелоти.
? Pick three teams to win on Wednesday… #UCL
— UEFA Champions League (@ChampionsLeague) September 14, 2022
Хрватскиот шампион Динамо Загреб за кого настапуваат македонските репрезентативци Аријан Адеми и Стефан Ристовски по изненадувањето на стартот и победата над Челси, вечерва ќе се биде да изненади уште еден фаворит, Милан. Ренџерс и Наполи поради смртта на кралицата Елизаета Втора, својот натпревар ќе играат вечерва.
Двојки за вечерва:
Група А: Ренџерс – Наполи
Група Е: Милан – Динамо, Челси – Салцбург
Група Ф: Шахтјор – Селтик, Реал Мадрид – Лајпциг
Група Г: Копенхаген – Севиља, Манчестер сити – Борусија Д.
Група Х: Јувентус – Бенфика, Макаби Хаифа – ПСЖ
