Завршена е репатријацијата на Грците од Израел и Палестина, пренесуваат грчките медиуми повикувајќи се на соопштение од грчкото МНР.

-Грчкото Министерство за надворешни работи, преку Амбасадата на Грција во Тел Авив и Генералниот конзулат во Ерусалим, веднаш се мобилизираше за безбедно враќање на грчките посетители и жителите од областа. Така, Грција беше вброена меѓу првите земји кои успешно ја завршија репатријацијата на граѓаните, стои во соопштението.

Поточно, во понеделник, на 9 октомври, се вратија првите 90 грчки туристи, додека во вторник, на 10 октомври, уште 68. Конечно, во четвртокот, на 12 октомври, се вратија 72 грчки жители на Израел, кои изразија желба да се вратат.

-Дополнително, преку горенаведените летови беше олеснето и враќањето на државјаните на европските и трети земји. Поточно, обезбедено е враќање на државјаните на Австрија, Германија и Израел, Албанија, Белгија, Северна Македонија, Бугарија, Германија, Ирска, Латвија, Украина и Панама, соопшти грчкото МНР.

Евакуација од Израел: Се бара начин да се извлечат двајца македонски граѓани од Газа