Компанијата „Google“ воведува бројни промени во апликацијата „Maps“ со цел да биде покорисна за корисниците во различни ситуации.

Тие ќе воведат алатка за навигација на проширена реалност, односно за некои затворени локации како трговски центри, аеродроми, транзитни станици и слично.

Имено, на компанијата сега им се приоритет еколошки рути, се додаваат податоци за времето и квалитетот на воздухот. Апликацијата на своите корисници ќе им нуди рута што е најеколошка. Оваа опција ќе биде достапна од јуни во Германија, Франција, Шпанија, Холандија и Велика Британија, а потоа и во други земји низ светот.

„За околу половина од рутите, можеме да најдеме пoеколошка опција со минимални или без временски трошоци“, изјави Расел Дикер, директор на производите на „Google“.

„Live View“ е опција која му овозможува на корисникот да ја види својата дестинација со насочување на камерата кон околината, по што апликацијата ќе ги прикажува навигациските инструкции.

A good map gets you where you’re going. A great map pushes the boundaries of what a map can do.

From eco-friendly routes to live weather, learn about what’s next for Google Maps → https://t.co/C77e6DQg24 pic.twitter.com/FxfLiKmwxk

— Google Maps (@googlemaps) March 30, 2021

За да го овозможи ова, „Google“ разви комплетно нова технологија која ќе користи вештачка интелигенција за скенирање на десетици милијарди фотографии од „Street View“ и нивно мапирање со слика на телефонот на корисникот.

Исто така, апликацијата ќе може да им помогне на корисниците да го најдат најблискиот лифт, скали, банкомат, тоалет, шалтери за пријавување, продажни места за билети и повеќе.

Засега, преглед на затворен простор во живо е достапен во неколку трговски центри во САД лоцирани во Њујорк, Лос Анџелес, Чикаго, Сан Франциско, Сан Хозе, Сиетл и Лонг Ајленд.

Во следните месеци, би треабло апликацијата да се прошири на транзитни станици, трговски центри и аеродроми во Токио и Цирих, а потоа и на други локации низ светот.