Во неделата експресно беше прекинат турнирот во Задар откако Григор Димитров објави дека е позитивен на коронавирус, по што беше утврдено дека заразени се и Борна Чориќ, Виктор Троицки, кондицискиот тренер на Ѓоковиќ, Марко Паники како и тренерот на Бугаринот, Кристијан Грох.
Сите тие беа дел од турнирите кои се во организација на Новак Ѓоковиќ, „Адриа Тур“.

– Ѓоковиќ не е главен виновник. Тој не ги примора тенисерите да играат пред публика. Властите дозволија на трибините да има 5.000 навивачи и тоа беше единственото место на светот каде можевте да видите толку многу луѓе на едно место. Многу се изненадени, но мораме да сфатиме дека живееме во нов свет и да се навикнеме на тоа – изјави Гаске.