Македонскиот женски ракометен клуб Ѓорче Петров славеше и на реваншот од Европскиот куп против Тиват на гостински терен со 24:29.

Сите дилеми околу патникот беа решени уште на првиот меч кога нашиот претставник со 43:22 ја надигра црногорската екипа.

На возвратниот дуел во победничките редови доминираше Ризоска со седум голови, пет имаше А. Јанкуловска, а по четири Коларовска и М. Јанкуловска.

На спротивната страна деветпати во листата на стрелците се запиша Ковачевиќ.

Во 1/16 финалето од натпреварувањето не успеаја да се пласираат останатите две македонски екипи.

Чаир двапати загуби од холандскиот Венло (26:39, 18:43), а Куманово претрпе два порази од швајцарскиот Херцогенбухзе (22:29, 17:31).