Предноста на најдобриот светски тенисер Новак Ѓоковиќ во однос на второпласираниот Карлос Алкараз минатата недела изнесуваше 600 поени, а овој понеделник кога Ноле ја започнува 413 недела на првото место на АТП листата, истата „скокна“ на 750. .

Споменатата разлика настана по поразот од Шпанецот во полуфиналето на турнирот во Буенос Аирес, каде ја одбрани титулата од минатата сезона, додека српскиот ас одмараше и немаше што да брани. Најтрофејниот тенисер во историјата на овој спорт, кога се во прашање грен слем титулите, и натаму има 9,855 бодови, додека Алкараз „падна“ на 9,105.

Промена имаше и на третата позиција на листата на најдобри тенисери во светот, бидејќи од денеска е во сопственост на Италијанецот Јанико Синер, кој во неделата вечерта го освои турнирот во Ротердам, додека Данил Медведев, кој е надвор од терените од „Австралија опен“, падна на четвртата позиција.

Андреј Рубљов го зазема петтото место, а потоа следат Германецот Александар Зверев, Холгер Руне од Данска, полскиот тенисер Хуберт Хуркач, Австралиецот Алекс де Мунир и Тејлор Фриц од САД.

Тоа значи дека меѓу првите 10 имаше само една промена во однос на минатиот понеделник, односно од неа отпадна Стефанос Циципас, а влезе Де Мунир, кој минатата недела беше на 11 позиција.