Ѓоковиќ испишува историја: Полуфинале на „Вимблдон“ и го израмни рекордот на Федерер
Новак Ѓоковиќ се пласираше во полуфиналето на грен слем турнирот „Вимблдон“ откако со резултат 3:1 во сетови го совлада Русинот Андреј Рубљов.
Рубљов беше подобар во првиот сет со 6:4, но вториот светски рекет направи целосен пресврт освојувајќи ги следните три сета со 6:1, 6:4 и 6:3.
По овој триумф најдобриот српски тенисер го израмни рекордот на Швајцареоцт Рожер Федерер по бројот на пласмани во грен слем полуфиналните мечеви.
The many positions of a @DjokerNole performance 🤸♂️#Wimbledon pic.twitter.com/jOjqpck9zm
— Wimbledon (@Wimbledon) July 11, 2023
Ѓоковиќ стигна до своето 46 грен слем полуфинале, колку што има и Федерер кој се пензионираше минатата година. На третото место на оваа листа се наоѓа Шпанецот Рафаел Надал кој има 38 грен слем полуфиналиња.
Српскиот ас на „УС Опен“ годинава има шанса да стигне до 47 грен слем полуфинале и да се искачи на врвот. Потсетување дека „УС Опен“ ќе се одржи од 28 август до 10 септември 2023 година.
The quest for number eight continues. @DjokerNole comes from a set down to defeat Andrey Rublev 4-6, 6-1, 6-4, 6-3 to advance to his 46th Grand Slam semi-final 👏#Wimbledon pic.twitter.com/SfkYzYzm7b
— Wimbledon (@Wimbledon) July 11, 2023
Противник на Ѓоковиќ во полуфиналето на „Вимблдон“ ќе биде Јаник Синер кој со 6:4, 3:6, 6:2 и 6:2 го елиминираше Роман Сафиулин.
ВИДЕО: Крај за Ига Швјонтек, Свитолина по вторпат во полуфиналето на „Вимблдон“