Ѓоковиќ има свој фаворит во финалето на Европското првенство
Најдобриот светски тенисер ќе навива за Италија в недела во финалето на Европското првенство против Англија кое ќе се одржи на „Вембли“ стадионот во Лондон со почеток од 21.00 часот.
Препорачано
Претходно од 15.00 часот исто така во англиската престолнина ќе се игра финалето на тенискиот „Вимблдон“ во кое Новак Ѓоковиќ ќе ги одмери силите против Италијанецот Матео Беретини.
Двата настани ќе бидат оддалечени само 24 километри, од една страна Италијанците се надеваат утре на двојна радост, но и Ѓоковиќ од друга страна ќе се обиде да ја израдува Србија со нов грен слем трофеј.
– Фудбал и тенис, фантастично. Беретини нема што да загуби против мене, се надевам на прекрасни мечеви. Посакувам Италија да слави единствено во вечерните часови, на фудбалски план – рече Ѓоковиќ за „Скај Спорт Италија“.
Ѓоковиќ го сака фудбалот, не е изненадување што ќе навива за Италија на ЕП, тој е голем фан на Милан, а Беретини навива за Фиорентина.
„Вимблдон“: Ивановски се бореше и повреден, на крајот елиминиран од Џонс
ВИДЕО: Не може без ритуалот кој им донесе среќа на Италијанците на ЕП
