Гинтсбург за руската вакцина против Ковид-19: Прво вакцинирање на нашата популација, па извоз
Александар Гинтсбург, директор на Институтот за епидемиологија и микробиологија „Гамалеја” во Русија, изјави оти не е во план нивната вакцина за коронавирус да биде достапна за други земји, се додека руското население не се вакцинира, пренесува агенцијата Тасс.
-Колку што разбрав од разговорите со членовите на рускиот Фонд за директни инвестиции, што се занимава со ова прашање, извозот на вакцината не е планиран во наредните 12 месеци, се додека не се вакцинира нашата популација, рече Гинтсбург.
Тој, меѓутоа, кажа дека се водат преговори за обезбедување технологија за три до пет земји, кои сакаат да ја произведат вакцината.
Русија, на 11 август, стана првата земја што регистрира вакцина против коронавирусот, наречена „Спутник V”, а оваа вакцина е развиена токму од институтот „Гамалеја”.