Германскиот претседател на 29 ноември во посета на Македонија
Германскиот претседател Франк-Валтер Штајнмајер на 29 ноември доаѓа во дводневна посета на Северна Македонија, објави Дојче веле на македонски, повикувајќи се на соопштение од неговиот кабинет и германската амбасада во Скопје.
Франк-Валтер Штајмајер ќе биде третиот германски сојузен претседател кој доаѓа во посета на Македонија од нејзината независност досега. Пред него, во посета на земјава беа претседателите Роман Херцог и Хорст Келер. Како што соопштиле од неговиот кабинет и германската амбасада во Скопје, Штајнмајер доаѓа во Скопје на 29 ноември, а во рамките на дводневната посета ќе го посети и ветерниот парк во Богданци.
По Македонија, Штајнмајер ќе ја продолжи мини-балканската турнеја и со дводневна посета на Албанија.
Во фокусот на посетата на Штајнмајер ќе бидат состојбите во регионот, последиците од руската инвазија врз Украина и поддршката на Германија за ЕУ перспективите на двете земји.