Германија ги олеснува условите за државјанство
Странските државјани коишто живеат во Германија повеќе нема да се откажуваат од своите домицилни пасоши за да добијат германско државјанство, јавува ДПА. Голема промена во предложениот закон е тоа што странците ќе можат да аплицираат за германско државјанство по само пет години регулиран претстој во земјата.
Во коалицискиот договор, владата на социјалдемократскиот канцелар Олаф Шолц се согласи да воведе „современ закон за државјанство“ во 2021 година.
Други аспекти на реформата вклучуваат олеснување на барањата за германски јазик за одредени групи и укинување на тестот за државјанство за оние над 67 години.
Во моментов, странците мора да живеат во Германија до осум години пред да можат да аплицираат за државјанство.
Децата родени во Германија чии родители се странци ќе можат да имаат двојно државјанство.