Реал Мадрид конечно успеа да се ослободи од Герет Бејл, објави  „Марка“. Велшанецот се очекува од утре да биде нов фудбалер на кинескиот Џиангсу Сунинг  за кого ќе потпише тригодишен договор.

Според весникот кој речиси никогаш не греши кога станува збор за информации поврзани со Реал Мадрид, останува да се договорат некои ситни детали по што Бејл и официјално ќе биде претставен како нов фудбалер на кинескиот тим. Тој во Џиангсу ќе заработува 22 милиони евра годишно.

Иако се споменуваше враќање во Тотенхем, премиерлигашот не беше во можност да му понуди идентична плата која ја имаше во Реал Мадрид, 17 милиони евра, но затоа кинескиот тим понуди пет милиони евра повеќе што беше пресудно за Велшанецот да ја прифати понудата.

Герет Бејл во Реал Мадрид дојде во 2013 година од Тотенхем за тогаш рекордни 100 милиони евра. Тој со „кралевите“ дури четири пати триумфира во Лигата на шампионите, но поради лошиот однос со тренерот Зинедин Зидан е приморан да го напушти Реал Мадрид.