На свеченото отворање на Медитеранските игри 2022 во Оран (Алжир) знаменосци беа Дејан Георгиевски (таеквондо) и Симона Заборска (карате).

Македонската делегација брои вкупно 114 членови, што е најмногу во историјата на Македонија на ваквите игри.

Стартот на свеченото отворање е закажан за 21.00 часот по локално време.

Медитеранските игри за нашата земја е важно натпреварување, Македонија ќе има учесници во следните спортови: ракомет (мажи и жени), одбојка (мажи и жени), таеквондо, џудо, борење и карате, пливање, атлетика, спортско мечување и стрелаштво.

Еден од главните кандидати да освои злато во Оран е таеквондистот Дејан Георгиевски кој освои сребро на последните Летни олимписки игри во Токио.