Бил Гејтс ги откажува повеќето од своите новогодишни и божиќни планови поради страв од ширењето на сојот омикрон, пишува Бизнис Инсајдер.

„Токму кога се чинеше дека животот се врати во нормала, можевме да влеземе во најлошиот дел од пандемијата“, напиша Гејтс на Твитер.

Just when it seemed like life would return to normal, we could be entering the worst part of the pandemic. Omicron will hit home for all of us. Close friends of mine now have it, and I’ve canceled most of my holiday plans.

— Bill Gates (@BillGates) December 21, 2021

Пред само две недели, во објава на крајот на годината на својот блог, Гејтс напиша дека 2021 година била „најнеобичната и најтешката година во неговиот живот“.

Но, тој рече дека се надева дека крајот на пандемијата е на повидок и дека акутната фаза ќе дојде до крај во 2022 година.

Сепак, брзото ширење на омикрон се чини дека негативно влијаеше на оптимизмот на Гејтс.

Во серија од седум твитови, тој рече дека омикрон „се шири побрзо од кој било вирус во историјата“ и дека тоа „ќе биде најлошиот бран што сме го виделе досега бидејќи е многу заразен“.

Гејтс рече дека брзото ширење може да значи дека бранот на омикрон во Соединетите држави би можел да трае помалку од три месеци и истакна дека пандемијата би можела да заврши до 2022 година доколку се преземат вистинските чекори.