Македонија од вториот барабан за противник ја доби Романија со која имаме играно пет пати и имаме скор од четири порази и една победа.

Четирите натпревари во квалификациите за СП 1998 и 2006 година ги загубивме со гол разлика 4:11, додека единствената победа (1:0) над Романија е издвојувана на пријателскиот натпревар кој се играше 2010 година.

Противник од третиот барабан ни е селекцијата на Исланд со која имаме позитивен скор од две победи и по едно реми и пораз, но последниот натпревар го игравме пред 11 години. За тоа колку опасен ривал може да биде Исланд, доказ е учеството на ЕП 2016 и СП 2018 година.
Првиот натпревар против Исланд го игравме 1996 година (1:1) во квалификациите за СП 1998, а последниот (2:0) во квалификациите за СП 2010.

Противникот од петтиот барабан ни е Ерменија со која имаме играно 10 натпревари, и кој ни беше противник во последното издание од Лигата на нации. „Црвено-жолтите“ против Ерменија имаат скор од четири победи и порази и два нерешени резултати. Последниот натпревар, кој се играше на 18. ноември годинава заврши со триумф на Ерменија, а таа победи ги однесе во Б дивизијата од Лигата на нации.

Последниот ривал во групата Ј на Македонија е аутсајдерот Лихтенштајн со кој имаме одиграно девет натпревари и имаме скор од осум победи и едно реми. Токму против Лихтенштајн, фудбалската репрезентација на Македонија ја има остварено најубедливата победа во историјата, 1:11 во квалификациите за СП 1998 година кое се играше во Франција.

Македонија против четирикратниот светски шампион во квалификациите за Мундијалот во Катар