Тејлор Фриц го освои АТП турнирот во Штутгарт, Германија, откако денеска во финалето го победи домашниот натпреварувач Александер Зверев со 6:3, 7:6 (7:0).

Мечот траеше еден час и 26 минути. Ова беше 13 дуел меѓу двајцата тенисери, а осми триумф за Американецот, кој моментно е рангиран на седмото место на АТП листата.

Со триумфот во Штутгарт, Фриц стигна до деветтата титула во својата кариера, а прва во оваа сезона.

Американскиот тенисер од понеделник официјално ќе биде четвртиот тенисер во светот.

АТП турнирот во Штутгарт се играше за награден фонд од 751.630 евра.