ФОТО+ВИДЕО | Убавина и гламур: Американка е новата Мис Универзум
Р’Бони Габриел од САД е новата Мис Универзум, а блескавата круна ѝ ја предаде Харназ Санду од Индија, која победи на Мис Универзум во 2021 година, објави „Си-ен-ен“.
Аманда Дудамел од Венецуела беше избрана за прва придружничка, а Андреина Мартинез од Доминиканска Република стана втора придружничка.
Годинашното 71. издание на овој престижен избор за убавина се одржа во Њу Орлеанс, Луизијана, а за време на гламурозната вечер се претставија дури 84 убавици од различни држави ширум светот.
Во моментот кога Габриел влезе во топ 5, водителот ѝ го постави прашањето: „Мис Универзум неодамна воведе промена. Од годинава, жени кои се во брак и жените кои имаат деца можат да учествуваат на натпреварот. Која промена би сакала да ја видиш ти и зошто?“
„Јас би сакала да видам зголемување на возрасната граница бидејќи јас имам 28 години. Тоа е најстарата возраст на која може една жена да се пријави на натпреварот. И сметам дека тоа е убава работа. Една од моите омилени мисли е: ‘Ако не сега, кога?’. Како жена, сметам дека возраста не треба да нѐ дефинира“, изјави Габриел.
Р’Бони Габриел од Хјустон, Тексас е 28-годишна модна дизајнерка и инструкторка за шиење, која во својата работа ги практикува нејзините еколошки навики и претпочита одржлива наспроти брза мода.
Повеќе на темата:
Америка има нова мис: Убавицата со ангелско лице влезе во историјата