Британско семејство преживеа кошмар во дивината на Кенија, откако нивниот автомобил се заглавил во кал и тие поминале четири дена опкружени со хиени, чакали и други диви животни.

Крис и Софи Ходер, како и нивните две мали деца, биле „заробени“ за време на сафари во националниот парк Цаво Исток, на дури 50 километри од планираната рута.

Семејството влегло во националниот парк на 5 април, попладнето, со намера да кампува две ноќи. Кога тие не се пријавиле кај властите, започнала итна спасувачка операција. Два авиони и хеликоптер, како и спасувачи во теренски возила, ги бараа изгубените туристи, пишува „Дејли мејл“.

A heartfelt thank you to the local communities, conservation partners, and KWS officers whose swift and coordinated efforts led to the safe rescue of the family that had been stranded in Tsavo East National Park while on a camping excursion.

This is the true heartbeat of… pic.twitter.com/nCryqyPD6u

— Kenya Wildlife Service (@KWSKenya) April 8, 2025

Тие конечно биле лоцирани во понеделник наутро и пренесени на безбедно. Тие биле во добра здравствена состојба, а надлежните нагласуваат дека одлуката да останат во нивното возило била пресудна за нивниот опстанок.

На социјалните мрежи се објавени видеа и фотографии од заглавената „тојота“, опремена со покривен шатор во област каде живеат речиси 700 лавови.

„Имаа среќа што ги најдовме, бидејќи скршнаа од главната рута за патување. Оваа област е многу оддалечена и туристите обично не ја посетуваат“, беше објавено.

Останува нејасно зошто Крис и Софи веднаш не повикале помош кога се заглавиле во текот на викендот, но се верува дека проблемот бил недостатокот на сигнал од мобилниот телефон.

Family of four that went missing in Tsavo East National Park on Saturday rescued 50 KMs off their planned route. They were unharmed and in good health pic.twitter.com/clL41gUFUs

— Citizen TV Kenya (@citizentvkenya) April 8, 2025