ФОТО+ВИДЕО | Се врати насмевката на Кејт Мидлтон: Принцезата блесна во елегантен фустан од само 19 евра
Кејт Мидлтон, принцезата од Велс, по успешното лекување од рак постепено се враќа на своите кралски должности, а сега го посети и детскиот хоспис во Јужен Велс.
Препорачано
За оваа специјална посета таа го избра својот омилен фустан на „Зара“, кој чини неверојатни 16 фунти или 19 евра, а кој веќе го носеше во неколку наврати од 2020 година. Овој пат принцезата блесна во шик стајлинг – во прекрасен кариран фустан со голема панделка.
Spending time with some of them today highlighted the vital work done by Tŷ Hafan to support families throughout life and beyond. pic.twitter.com/kieXo0jINL
— The Prince and Princess of Wales (@KensingtonRoyal) January 30, 2025
Таа ја надополни модната комбинација со елегантен капут од слонова коска по нарачка од дизајнерот Крис Кери. А изгледот го комплетираше со обетки „Спелс оф лав“ и чевли од нејзиниот омилен бренд „Расел енд Брумли“.
Посетата на оваа специјализирана установа во Јужен Велс не е случаен избор. Како принцеза од Велс, Кејт секогаш покажува посебна наклонетост кон овој регион и неговите луѓе. За време на посетата на хосписот, кој е прв од ваков вид во Велс, таа учествуваше на сесии за музикотерапија и комуницираше со децата и нивните семејства.
„Горда сум што сум покровител на ‘Тај Хафан’“, објави таа преку официјалниот профил на Кенсингтонската палата на Икс.
View this post on Instagram
Инаку, специјализираната установа во Весл е отворена во 1999 година и обезбедува бесплатна грижа за децата и поддршка за нивните семејства.
Ова е втор јавен ангажман на Кејт оваа недела, откако таа присуствуваше на комеморацијата на Меѓународниот ден на сеќавањето на Холокаустот со принцот Вилијам во понеделник, 24 јануари. Блиски извори нагласуваат дека тоа е дел од нејзиното постепено враќање на обврските и дека распоредот на активности и се прилагодува од недела во недела.
View this post on Instagram
