Во полуфиналето на таеквондо турнирот на Олимписките игри во Токио македонскиот натпреварувач Дејан Георгиевски го совлада Ин Кјо Дон од Кореја со 12:6 и се пласираше во големото финале.

Доста претпазливи и двајцата, противникиот успеа да ја добие првата рунда со еден удар.

Во втората рунда Македонецот стекна предност од 5:1, со еден казнен поен за ривалот, а потоа Кореецот намали на 5:3.

Во завршната трета рунда уште подобро издание на Георгиевски за зголемување на позитивата за конечни 12:6 и голем историски успех и обезбедување на олимписки медал, втор во историјата на нашата земја, после Могамед Ибрагимов (борење) на Игрите во Сиднеј 2000.

Погледнете:

Во првото осминафинално коло на таеквондо турнирот нашиот олимпиец го елиминираше светскиот шампион од Куба Рафаел Алба со 11:8.

А во четвртфиналето триумфираше над претставникот од Брегот на Слоновата коска, Сејду Гбане со резултат 9:4.

Противник за златото на Георгиевски ќе биде Владислав Ларин од Рускиот олимписки комитет кој во второто полуфинале со дури 30:3 го совлада Кинезот Хонѓи Сун.