Цела Југославија без здив ја следеше венчавката која важи за една од најубавите во некогашната држава.

Љубовната приказна на Лепа Брена и Слободан Боба Живојиновиќ започна во 1986 година, кога менаџерот на Брена, Рака Ѓокиќ, ги запознал по премиерата на првиот филм „Ајде да се сакаме“.

Како што се прераскажува, во таа прилика Брена го прегрнала Боба и му рекла: „Каде беше сите овие години?“. Пејачката признала дека сакала да ги забрза работите помеѓу нив, бидејќи во тој период и неговата и нејзината кариера биле во зенитот.

Нивната венчавка се одржа во далечната 1991 година, а за деталите од истата се зборува и денес – особено за една сцена. Тоа е моментот кога Брена го фрлила бидермаерот, а го фатила насмеаната Драгана Мирковиќ, која тогаш рекла дека е среќна поради бидермаерот, но дека сè уште нема намера да се мажи.

На венчавката на најголемата музичка ѕвезда на тогашна Југославија и успешниот тенисер присуствувале 600 гости. За нив било подготвено мени достојно за кралската палата – над 650 предјадења и главни јадења подготвени од главниот готвач и неговите 60 помошници. Гостите на венчавката уживале во фазан, телешки грб во сос од шампањ, чаден лосос на норвешки начин, но и во домашни специјалитети – биле испечени дури 22 прасиња и 55 јагниња.

Малку е познат фактот дека нивниот кум е еден од најбогатите луѓе во светот на спортот. Поранешниот романски тенисер Јон Цирјак денес има 83 години и има богатство за кое многумина сонуваат.

Тој е трет најбогат Романец, а неговата заработка се проценува на 2 милијарди долари. Беше успешен агент на неколку тенисери, одлично заработуваше, но врвот на своето богатство го достигна дури по 90-те години.

По падот на романскиот диктатор Николаe Чаушеску, Цирјак се врати во Романија и ги искористи своите контакти во Германија за да стане застапник на „Метро АГ“, a потоа на „Мерцедес“.

Тие пари понатаму ги вложи во осигурителна компанија, приватна банка (која му го донела најголемото богатство), авиокомпанија и туристичка агенција. Денес вработува околу 20.000 луѓе и е директор на турнирот Мастерс во Мадрид, кој сака да го подигне на нивото на Грен Слем турнир.

Цирјак во Србија е познат и како кум на Лепа Брена и Боба Живојиновиќ, а во мај 2014 година, во текот на страшните поплави што ја погодија Србија, донирал 100.000 евра за помош на загрозените, пишува „Курир Стил“.

ФОТО | Ги покажа нозете долги 2 метра: Лепа Брена насмеана ужива во егзотичен коктел